Sporti Shqiptar, 22 korrik

Bamir Topi, presidenti i ri i Tiranës

Deputeti i njohur zëvendëson në detyrë legjendën e 17 Nëntorit, Fatmir Frashërin

Aurel Celibashi

Skeda e Bamir Topit
Datëlindja: 24.4.1957
Vendlindja: Tiranë
Arsimi: Fakulteti i Shkencave Biologjike
Titulli: Prof.dr.
Veprimtaria personale: Kërkues shkencor në fushat biologjike të aplikuara.
Veprimtaria politike: Deputet në 3 legjislaturat e fundit.
2 herë kryetar i grupit parlamentar të Partisë Demokratike.
2 herë nënkryetar i i PD-së.
Ministër i Bujqësisë në vitet 1996-1997.
Aktualisht deputet i zonës zgjedhore nr.31, Tiranë.

Bamir Topi është presidenti i ri i Tiranës. Me pëlqimin e kryesisë së klubit bardheblu, politikani i njohur është emëruar dje paradite në këtë post nderi, duke zëvendësuar legjendën e dikurshme të 17 Nëntorit, Fatmir Frashërin. Në fakt, kishte më shumë se një vit që posti i presidentit në klubin "Tirana" rrinte bosh, pas largimit për arsye personale të Mjeshtrit të Sportit, Frashërit. Mbrëmjen e së enjtes, në zyrat e stadiumit "Selman Stërmasi", kryesia e klubit "Tirana" pati një takim për më shumë se dy orë, ku një ndër pikat e diskutimit ishte dhe zgjedhja e presidentit të nderit. Me konsensusin e palëve, ku përfshihej katërshja e donatorëve, shefi i klubit, Shkëlqim Muça, por edhe figura të njohura të bardhebluve ndër vite, si Rauf Dimraj apo Riza Hicka, vendosën që postin e presidentit ta mbajë deputeti i Partisë Demokratike, Bamir Topi. Në fakt, kishte kohë që përflitej emri i tij në qarqet bardheblu, por vetëm paraditen e së premtes çdo gjë u zyrtarizua.

Muça: Zgjedhja e Topit, për më shumë integritet
Emërimin e Bamir Topit në krye të klubit bardheblu e komentoi edhe shefi i klubit "Tirana", Shkëlqim Muça. Sipas tij, pas largimit të Fatmir Frashërit, ishte e nevojshme që skuadra ta kishte një president dhe zgjedhja më e mirë ishte ajo e politikanit të njohur shqiptar. "Zgjedhja e Bamir Topit në krye të presidencës së klubit, është bërë me qëllim për t'i dhënë më shumë integritet Tiranës. Pas largimit për arsye personale të Fatmir Frashërit, duhej medoemos që të plotësoheshin strukturat, kështu që nga ana e kryesisë u pa e arsyeshme që të emërohej Bamir Topi, një person i cili i ka qëndruar afër ekipit që nga viti 1970 dhe deri tani. Shpresojmë shumë që ky intelektual t'i japë një kontribut më shumë në realizimin e objektivave madhor të Tiranës,"- bën të ditur Muça.

Halili: Ishte një vendim në unison i kryesisë
I kontaktuar nga gazeta në lidhje me emërimin e presidentit të ri të klubit, është njëri nga donatorët, pikërisht Refik Halili, ai që shprehet se një lëvizje e tillë nuk duhet të shihet me natyrë politike. "Ajo që dua të them ka të bëjë me faktin se zgjedhja e Bamir Topit si president i Tiranës u bë me një vendim-unison të kryesisë së klubit, ku sigurisht mori miratimin edhe të donatorëve. Mendoj se një lëvizje e tillë nuk mund të quhet politike, por vetëm në të mirë të skuadrës, ku dihet shumë mirë që Topi është një prej mbëshetësve tanë kryesorë."

Topi: President i Tiranës, nder i madh
"Jam shumë i lumtur për emërimin në postin e presidentit të një klubi të madh dhe me shumë tradita, siç është Tirana. E prita me kënaqësi propozimin e kryesisë së klubit dhe tashmë që jam zgjedhur në këtë detyrë të re ndihem shumë i nderuar. Këtu bëhet fjalë se Tirana është skuadra e cila më ka dhuruar emocione të madha gjatë gjithë jetës, sepse veçanërisht unë kam qenë i lidhur me futbollin. Mendoj se ka ardhur koha që edhe ky sport të ringrihet, ndërkohë që premtoj se do të bëj maksimumin e mundësive që Tirana të ketë një vizion europian,"- ishin fjalët e para të presidentit të ri të Tiranës, Bamir Topit, dhënë dje për gazetën "Sporti shqiptar" pas emërimit.

Sport Ekspres, 22 korrik

Bamir Topi, Tirana "parlamentare"!

Bedri Alimehmeti

Prof. Dr. Bamir Topi, i cili ne mjediset futbolldashese te kryeqytetit njihet si nje tifoz i "thekur" i bardhebluve, eshte zgjedhur president i FK Tirana, te cilen, sikurse thote edhe vete ne intervisten per gazeten tone, ka dyzet vite qe e ndjek. Gjithsesi, lidhjet e tij me skuadren e qytetit nuk ka perse te mos i perqasim edhe me faktin qe familja e tij eshte autoktone tiranase, kurse kusheriri, Ramazani Topi, deri ne fillim te viteve 60 te ka mbrojtur porten e 17 Nentorit te asaj kohe.

Zoti Bamir, duke ju uruar per zgjedhjen ne postin e presidentit te FK Tirana, cili do te ishte vleresimi juaj?
Propozimi i kryesise se klubit Tirana, per te me ofruar postin e presidentit, eshte nje konsiderate ndaj personit tim, te cilen e vleresoj, jo thjesht per nje pasion timin te vjeter, por dhe sepse behet fjale per skuadren e zemres, te cilen e ndjek prej 40 vjetesh. Ndaj, e kam pranuar me shume kenaqesi, duke e ndiere ne te njejten kohe jo thjesht si pjese te pasionit tim sportiv, por edhe si pergjegjesi per te rritur nivelin e Tiranes, si skuader pretendente per trofete, por edhe per te konkurruar denjesisht ne Europe.

A mendoni qe zgjedhjes suaj ne postin e presidentit te FK Tirana mund t’i jepen ngjyra politike?
Per mendimin tim, te ngaterrosh politikat partiake me sportin do te thote injorance. Them keshtu, sepse sporti ne pergjithesi i shkeput njerzit nga antagonizmi politik. Sporti eshte nje aktivitet, i cili, pavaresisht nga bindjet politike, ka mision qe t’i afroje njerezit. Per mendimin tim, tendenca per te perzier sportin me politiken do te ishte, ne radhe te pare, deshtim i politikes, dhe, se dyti, nje perzjerje e panevojshme e puneve ne sport. Nga kjo pikepamje, une dua ta ndaj sportin nga politika, sepse sport kam filluar te shoh qe i vogel, pese vjeç, kurse me politike kam filluar te merrem shume vone.

Pas ketij momenti, cilat do te jene marredheniet tuaja me katershen e donatoreve te FK Tirana?
Duke e vleresuar vendimin e kryesise se klubit, si nje vendim institucional, natyrisht qe do te filloj bashkepunimin me te gjithe faktoret, qe influencojne ne ecurine e Tiranes, sigurisht, pa veçuar e dalluar asnje. Per mua ka shume rendesi bashkepunimi ne funksion institucioni, pas kesaj edhe bashkepunimi njerezor natyrisht qe do te jete i pranishem.

Ne keto momente, kur ju merrni postin e presidentit, skuadra gjendet perpara nje ndeshjeje mjaft te rendesishme...
Une kam bindje qe Tirana do ta kaloje kete tur. Per mua eshte e rendesishme qe skuadra te futet ne fushe e impenjuar, jo vetem per te siguruar kualifikimin, por edhe per te rritur cilesine e lojes, qe do t’i sherbeje per turin tjeter. Madje, veç kesaj, mendoj se kemi te bejme me nje moment te rendesisem, i cili duhet ta pergatise Tiranen edhe per kampionatin e ri qe po afron, ku duhet te futet me nje motivacion te qarte, per te qene si gjithnje skuadra elitare e tij.

Cili do te ishte ne kete rast mesazhi i presidentit te sapozgjedhur per futbollistet bardheblu?
Se pari, do t’i pergezoja te gjithe lojtaret e Tiranes per shpirtin sportiv qe kane treguar deri tani. Do t’u uroja rritje te motivimit e shpirtit te gares, per te arritur ne cakun e tradites me te mire te ekipit, ne themel te se ciles ka qene grinta e pashtershme, qe, e nderthurur me elementet taktike e teknike, do ta bente Tiranen te pathyeshme ne kampionatin shqiptar.